• Portada
  • >
  • Asturies
  • >
  • Doce principios y un decálogu de recomendaciones pa caltener viva la tradición gastronómica del País

Doce principios y un decálogu de recomendaciones pa caltener viva la tradición gastronómica del País

  • 1 Avientu, 2022

“L’ alimentación ye un circuitu económicu, pero tamién históricu, social ya identitariu, con implicaciones fundamentales na calidá de vida de los nuesos vecinos y vecines, y por supuestu, nel futuru de la nuesa tierra”

Vien de presentase’n Xixón el “Manifiestu pola Cocina Asturiana”, un documentu col que dos cocineros y dos escritores gastronómimicos revindiquen la cocina asturiana comu pegoyu económicu y cultural, amás de comu recursu turísticu. Pa ello, planteguen unos principios gastronómicos ya un “decálogu d’encamientos colos qu’afalen a tolos esllabones de la cadena alimentaria asturiana a implicase nel consumu de productos asturianos, faciendo real conceutos comu economía circular, caltenibilidá o productu de cercanía, mui utilizaos de pallabra pero pocu presentes nel díi ente díi de l’alimentación.

Tradición, economía y turismu amiéstense nesti manifiestu, que defende l’emplegu de terminoloxía asturiana pa platos y productos, afitar la cultura sidrera y recuperar recetes y fórmules vieyes de la cocina tradicional. Tamién proponen y defenden una llei empobinada a que los pequeños productores puedan vender direutamente a la hostelería.

Los promotores d’esta aniciativa son David Montes y Borja Alcázar, cocineros, xunto con David Castañón y David Remartínez, escritores de la rama, apadrinaos por José Antonio Campoviejo y por Nacho Manzano, ya’l so envís nun ye quedase nel ámbetu la hostelería, sinón implicar nesti manifiestu a “agricultores, hosteleros, ganaeros, llagareros, vinateros, pescaores, distribuidores, comunicadores, tresportistes y camareros”. Ello ye, a tolos venceyaos d’una u otra mena col sector alimentariu.
Alberto Rodríguez

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies