Multitudinaria concentracion contra la planta de pirólisis n’El Musel

  • 27 Payares, 2022

Vecinos de la zona y persones comprometies cola defensa del mediu ambiente aconceyaron ayeri sábadu na Sablera l’Arbeyal p’amosar la so refuga a la apertura d’una planta de pirólisis pal tratamientu de residuos plásticos a menos d’un km del llugar onde aconceyaben

Pancartes comu “Asturies, paraisu contamináu”, “Non a la planta de pirólisis” y “la contaminación mata” resumíen perfechamente el sentir de les persones aconceyaes al pie de la sablera. El voceru de la Federación Xixonesa d’Asociaciones Vecinales, FAV, garró la pallabra pa resumir lo qu’implica pa los vecinos la istalación d’una planta de combustibles a partir de residuos plásticos industriales mediante pirólisis a menos d’un km de los moraores del Muselín y a menos de 2 de los vecinos de Xove, Pescadores y Portuarios.

La pirólisis, desplicó, ye incineración, y en delles de les sos fases puede producir residuos sólidos, gaseosos o líquidos altamente tósicos, aumentando la contaminación d’una zona que ya presenta los piores datos de contaminación de partícules de tol Estáu.

Poro, acusó al Conceyu de Xixón de mentir al repetir que nun va ser contaminante y tamién al declarar que “nun tienen na sobre la mesa d’esta planta de pirólisis”, puesto que la propia empresa, Preco, contautó ya cola FAV pa tratar el tema.

Recientemente los vecinos de Noreña apararon cola presión ciudadana la istalación d’una planta asemeyada nel so conceyu, seique nesti casu muncho más piqueña.

Darréu, declaraciones de Fructuoso Pontigo, voceru de la Cordinaora Ecoloxista d’Asturies, otra de les organizaciones convocantes de la concentración.


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies