Más de diez denuncies ante la Ispeción de Trabayu por discriminación sindical ya incumplimientu de les resoluciones d’esti organismu oficial, 19 puestos de trabayu eliminaos, col consiguiente incrementu del trabayu sobro’l restu la plantilla… la situación nos cientros de trabayu controlaos pola subcontrata LACERA ye tala, denuncien, que los trabayaores carecen ya daños sicofísicos, que s’espeyen nel altu indiz de baxes por ansiedá y estrés, llegando mesmo a producir incapacidá llaboral.

Bona parte de la situación, acordies el sindicatu, débese al tratu despectivu por parte de les encargaes, puestes a deu y non pola so meyor formación o capacidá pal puestu y que menosprecien a les compañeres, xenerando maltar pente la plantilla.

Denuncien tamién la complicidá de GISPASA ya’l SESPA ya que, conoceores de la situación va años, nun intervienen pa torgalos “demostrando la so total falta de responsabilidá comu garantes de les condiciones nos Centros de Trabayu y, como responsables subsidiarios de les condiciones llaborales y les sos consecuencies pa les persones que cumplen una función esencial nestos Centros Hospitalarios”.

Ello asina, los trabayaores de LACERA entamen movilizaciones pa tresmitir tantu a la empresa comu a los sos contratantes que nun van seguir aguantando esta situación.