• Portada
  • >
  • Economía
  • >
  • Los trabayaores asturianos perdieron pente 8 y 11’7 puntos de poder alquisitivu en dos años

Los trabayaores asturianos perdieron pente 8 y 11’7 puntos de poder alquisitivu en dos años

  • 15 Payares, 2022

Esti mes l’incrementu mediu de los precios “moderose” a un 7’3 en consumos xenerales gracies a la baxada de los costes enerxéticos, pero los bienes de consumu básicu, especialmente los alimentos, algama un alarmante 15% d’inflación

Alarma la progresiva incorporación de persones trabayaores a les cifres de probitú ya incluso probitú estrema, por mor de la perda alquisitiva qu’implica’l desequilibriu pente inflación y xubía de salarios.

Acordies el caberu informe sobro negociación coleutiva ellaboráu por CCOO Asturies tres l’estudiu de convenios negociaos y actualización de salarios pal añu en cursu, la xubía salarial media nel 2022 n’Asturies ronda’l 2’77%, bien perbaxo la inflación actual y prevista (l’IPC allugóse’n setiembre nel 8’9%)

De nun variar la xubía salarial media nel añu calcúlase una perda de poder alquisitivu d’al menos 6’3 puntos, que sumaría a los 1’7 puntos porcentuales del añu pasáu.

Máyor entá ye la perda de capacidá de compra que carecen los trabayaores que nun vieron actualizaos los sos salarios esti añu, nesos casos, la perda de poder alquisitivu algama los 9 puntos namás nesti añu, 11,7 dende’l 2021.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies