Más de 200 escolinos aconceyarán nel C.P. Martimporra esti miércoles día 16 de Payares nel primer Alcuentru Intercentros Rurales d’Asturies
Los primeros autobuses aportarán a Suares alrodiu les 9:15 y sedrán los escolinos del colexu de Lieres; a lo llargo la mañana los tres colexos participantes -Xentiquina Lieres, Carbayín Baxo y Bimenes- visitarán La Casa les Radios, faciendo una visita guiada anantes de baxar al C. P. Martínporra, onde los tres direutores y l’alcalde Bimenes darán aniciu a les actividaes coles sos declaraciones. Tarán presentes tamién miembros de los tres AMPAs y representantes de les Conceyalies d’Educación y Cultura de Sieru.
Los escolinos rotarán pente cuatro actividaes tradicionales: la esfoyaza, la fabricación de colchones con fueya maiz, el peñeráu de la fariña y la ellaboración de tortos.
Con esti alcuéntru trátase d’afalar les relaciones en comuña pente los rapacinos al tiempu qu’empobinar a la reciella a la visita del muséu, fomentando’l so interés pol padremoñu, la tradición y la cultura propio.
Alberto Rodríguez
.
This work is licensed under a Creative Commons Attribution 4.0 International License.
