• Portada
  • >
  • Asturies
  • >
  • Andecha Astur denuncia que la Presidenta de FADE remana datos falsos

Andecha Astur denuncia que la Presidenta de FADE remana datos falsos

  • 11 Payares, 2022

“Non, nun hai 6.000 vacantes n’Asturies. Non, nun falta formación. Non, nun mos conformamos coles “paguines”. Queremos trabayos dignos con salarios dignos y condiciones dignes.Y que nun mos mientan a la cara”

La cifra real de vacantes n’Asturies, resalten dende la formación nacionaliega, ye de menos de la cuarta parte de lo qu’afirma María Calvo Carvajal

La presidenta de FADE, cifró apocayá en 6.000 el númberu de vacantes esistentes n’Asturies, negando que seyan les ínfimes condiciones llaborales les que torguen que se cubran y achacando esta falta de trabayaores a les ayudes  sociales y l’escasa formación de los asturianos.

Dende Andecha Astur informen de que l’Istitutu Nacional d’Estadística cifra, na Encuesta Trimestral de Costu llaboral, en 1.514 el númberu de vacantes esistentes n’Asturies nel segundu trimestre de 2.022 (ye d’esperar que trés la temporada braniega seyan menos). Ello ye, la cifra real ye de menos d’una cuarta parte de lo que diz esta señora.

Recalquen tamién que no que cinca a formación, les estadístiques amuesen qu’alrodiu’l 50% de la población adulta asturiana cuenta con formación superior, especialmente pente les muyeres, que presenten un nivel de formación y tamién un nivel de desemplegu mui perriba de los masculinos, siendo los niveles educativos de muyeres y homes asturianos bien cimeros a los respectivos niveles nel conxuntu del estáu.

Pa finar, definen l’acusación fecha pola presidenta de FADE de que los salarios sociales torguen la busca d’emplegu comu rastrera  ·cae por si sola cuando aparamos a mirar los importes de los mesmos. Denguna familia, voluntariamente, refuga un ingresu mayor cuando vive con escasamente de 250 € por persona”, siendo ello qu’un perceutor del IMV precisa del 120 % de los sos ingresos namás pa pagar un alquiler. 

 

 

Llucía F. Marqués


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies