Del 23 al 25 de payares coinciden na ciudá’l 43º Congresu Nacional de Melecina Interna de la Sociedá Española de Medicina Interna (SEMI), el 8º Congresu de la Sociedá Asturiana de Melecina Interna (SAMIN) ya’l 8º Congresu Ibéricu de Melecina Interna
Más de 2.100 mélicos internistes de tol estáu van aconceyar nel Palaciu de Congresos y Feria d’Amueses de Xixón. Esti va tener llugar pente los díes 23 y 25 de payares y va abordar les principales novedaes diagnóstiques y terapéutiques n’estremaes patoloxíes y árees d’interés pa la especialidá. Nél tamién va diseñase ‘l presente y futuru de la especialidá y van analizase los retos y desafíos a los que s’enfrenta’l Sistema Nacional de Salú (SNS).
Estos congresos cunten col sofitu del Xixón Convention Bureau.
Trátase d’un eventu mélicu-científicu de relevancia na esfera internacional. Cuenta con un programa científicu conformáu por más de 130 actividaes, ente elles 37 meses redondes, 5 alderiques, 14 talleres, 10 sesiones d’actualización, 15 alcuentros col espertu y 17 sesiones d’esposición de comunicaciones orales, ente munches otres, comu la tardi l’estudiante y del residente, esposición de pósteres científicos (22), o les conferencies inaugurales y de clausura, la entrega de premios, y una sesión destinada al 70º Aniversariu de SEMI (1952-2022), asina comu 8 simposios satélite.
“Al traviés del ampliu programa científicu de la presente edición vamos aldericar sobro cómo avanzar, ca vegada más, escontra una Melecina Interna d’altu valor centrada nel paciente y les sos necesidaes. Vamos tratar abondes temes d’enorme relevancia nes distintes árees d’interés de la especialidá so la visión integral del paciente que caracteriza y define el nuesu llabor como mélicos internistas”, comenta’l presidente de la SEMI, el doctor Jesús Díez Manglano.
Les principales exes del Congresu xiren alredor de novedaes diagnóstiques y terapéutiques nel manexu de la insuficiencia cardiaca y el riesgu vascular; les enfermedaes infeicioses; la diabetes, obesidá y nutrición; la EPOC; les enfermedaes autoinmunes y minoritaries; la enfermedá tromboembólica venosa; l’alcolismu y les adicciones; la cronicidad, pluripatología y l’abordaxe del paciente d’edá avanzada o crónicu complexu; la osteoporosis; la hospitalización a casa; la medicina hospitalista y l’asistencia compartíaa; los curiaos paliativos y el procesu de fin de vida; la ecografía clínica; y el big data médicu, la telemelecina y la salú dixital, ente otres temes relevantes pa la especialidá.
El doctor José María Fernández, presidente de la Sociedá Asturiana de Medicina Interna (SAMIN), asegura que “tamos ciertos de que va ser un auténticu ésitu dáu’l volume de mélicos internistes que van participar nel mesmu llegaos de tolos puntos del estáu y dáu l’altu nivel científicu de toles actividaes que contempla’l programa y que van actualizar les conocencies de los internistas españoles en múltiples campos, ensin escaecer la presencia internacional de miembros d’organizaciones y entidaes d’otros países”.
→ Programa científicu: https://congresosemi.com/semi2022
→ Solicitú de acreditación de prensa: https://forms.gle/wrxZVFmZN5H1YWmq9
→ Web oficial del Congresu: https://congresosemi.com/semi2022
Redaición InfoAsturies
This work is licensed under a Creative Commons Attribution 4.0 International License.
