• Portada
  • >
  • Llingua
  • >
  • Yá ta disponible’l númberu 127 de la revista 𝘓𝘭𝘦𝘵𝘳𝘦𝘴 𝘈𝘴𝘵𝘶𝘳𝘪𝘢𝘯𝘦𝘴

Yá ta disponible’l númberu 127 de la revista 𝘓𝘭𝘦𝘵𝘳𝘦𝘴 𝘈𝘴𝘵𝘶𝘳𝘪𝘢𝘯𝘦𝘴

  • 04/11/2022
Nesti númberu espublícense ocho artículos venceyaos a cuestiones llingüístiques, abarcando fonética, música, lliteratura, torna ya incluso apuntes sobro llingua y cine
La investigación sobro lliteratura ocupa bona parte de la revista; asina, Adrián Expósito fae un averamientu  a la obra inédita del Padre Galo, Víctor Suárez Piñero estudia la presencia de l’asturianu en “Sinfonía Pastoral” y la so adautación cinematográfica y Hector García Gil apurre notes sobre la torna de “Retornu a Tagen Ata”.
Non tolos artículos tan escritos n’asturianu, Manuel Duarte João Pires apurre un trabayu d’investigación alrodiu’l mirandés escritu nesa llingua y Isabel Álvarez Sancho utiliza l’inglés pa falar de nueva tradición y activismu musical.
Llingüísticamente interesante abulta tamién el trabayu conxuntu de Natalia Riego Arredondas y Carmen Siñeriz Rico, alrodiu los avances fechos na creación del Diccionario Normativo d’Eonaviego.
Pa finar, nel separtáu de reseñes bibliográfiques alcontramos los artículos de Covadonga Martínez Sánchez , que fae un averamientu a los trabayos de fonética en 22 llingües d’Antonio Pamiés Bertrán, y de Xaime Martínez Menéndez, que fae una reseña bibliográfica del trabayu “Sound, Syntax and Contact in the Languages of Asturias, Amsterdam / Philadelphia”.
La espublicación pue consultase  na web de l’ALLA y na plataforma REUNIDO.
Llucía Fernández

Comparti esta noticia

This work is licensed under a Creative Commons Attribution 4.0 International License.

1 Comment Already

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies