Sariegu acoyerá’l 13 payares un alcuentru dedicáu a los esportes tradicionales nel qu’Asturies y Euskadi competirán en delles modalidaes
El Club Seis Conceyos lleva ventisiete años entamando esti alcuentru n’alcordanza de ‘Clíper’, Ángel Álvarez Gónzález, sareganu y una de les grandes promeses del esporte tradicional allá pelos años setenta, fináu mui mozu n’acidente de tráficu.
Nelli, equipos d’Euskadi y Asturies competirán nes modalidaes de Corta de troncos, Carreres de llecheres, Corta con tronzón y castillete, Llevantamientu de yunque, Llevantamientu de ferraures y Corta n’altor. Dos d’estos esportes, Llevantamientu de yunque y Carrera de llecheres, disputaránse esclusivamente en categoría femenina.
La cita ye a les doce y media nel Poliesportivu de Sariegu y la entrá ye de baldre fasta completar aforu.
Alberto Rodríguez
This work is licensed under a Creative Commons Attribution 4.0 International License.
