Anguañu, hai 120 pediatres trabayando n’Asturies. Fadríen falta polo menos otros 20 pa cubrir les necesidaes

Xeográficamente, les esnales son les más perxudicaes nel procesu de desaniciu de la sanidá pública asturiana. Socialmente son los menores los que más tan careciendo estos retayos. Entantu’l Sr. Barbón enllénase  la boca falando de fixar población nes esnales, desanicia servicios básicos comu la pediatría ¿Qué familia querría asentase nun llugar nel que nin siquiera tien mélicu pa la so reciella?

Nel Oriente tendría d’haber dos pediatres en Llanes, pero nun hai dengún. Dengún pediatra atiende la reciella de Cabrales nin de les Peñamelleres ya prevése qu’en pocu tiempu quedará tamién ensin pediatra el conceyu de Parres. Nel Ocidente la situación nun ye meyor.

Amás anguañu n’Asturies un de ca 4 pediatres tien más de 50 años, polo que ye previsible que la situación apiore. El Sr. Barbón diz que nun topa profesionales a los que contratar, pero les causes d’esi déficit hai que guetales nes condiciones llaborales qu’ufre l’alministración, con contratos ensin continuidá, con salarios ruinos, con sobrecarga de trabayu. Por ello precisamente munchos colen d’Asturies pa dir a trabayar a otros llaos onde les condiciones son meyores.

Llucía F. Marqués

This work is licensed under a Creative Commons Attribution 4.0 International License.