Diez entidáes xúntense a “Xixón Llegáu”

  • 10 Ochobre, 2022

El proyeutu busca afalar la caltenibilidá en congresos y eventos cellebraos en Xixón

Baxo’l nome “Xixón Llegáu” el Xixón Convention Bureau pretende afalar nos aconceyamientos y eventos que se cellebren na ciudá aiciones que respondan a necesidaes previamente plantegaes por estremaes entidaes y asociaciones llocales. D’esta miente pretende dar continuidá al compromisu cola caltenibilidá.

El proyeutu foi presentáu pol conceyal de Promoción Económica, Emplegu, Turismu y Comerciu, Santos Tejón Llaneza, y pola xerente del Club d’Empreses de Turismu de Negocios, Cristina Bernabéu.

Sicasí, el llegáu en xuntes y eventos pretende dir más allá de la caltenibilidá y la minimización d’impautos negativos y lo que pretende ye xenerar impautos positivos na ciudá al llargu plazu que busquen, más allá de los impautos económicos midíos y contemplaos hasta la fecha, un beneficiu duraderu pal futuru nel planu social. Desendolcar un proyeutu de llegáu n’un congresu supón faer un esfuerciu por atender una necesidá concreta deteutada nel futuru que la entidá promotora puede solucionar.

Les 10 entidaes sociales incorporaes nesta primer fase al proyeutu  son el primer grupu d’entidaes relevantes na ciudá que se sumen al proyeutu col envís de concretar necesidaes. Toes elles atienden a necesidaes sociales de los menos favorecios, ya seya trabayando pol insertamientu llaboral y social de coleutivos vulnerables, comu ye’l casu de la Fundación Secretariáu Xitu, Expoacción, Una ciudá pa toos, IDP o COCEMFE, o apurriendo formación comu l’Asociación Cuantayá, Mar de Niebra o la Factoría F5, pente otres. Amás, participa tamién Ecoloxistes n’Aición, qu’acomuña a más de 300 grupos ecoloxistes y la Fundación Muyer

Tres d’esta primer fase, toca trabayar colos organizadores de congresos y eventos para dir plantegando’l proyeutu y conocer el so interés y en qué necesidá podríen collaborar en función de les sos capacidaes.

 

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies