Esta iniciativa pretende fomentar los valores de solidaridá, respetu y xusticia social, amás d’incentivar la creatividá. Tamién pretende esparder pente los estudiantes la conocencia sobre la vulneración de los drechos humanos nel mundu, con cuenta de que puedan actuar como axentes d’una sociedá asturiana cada vez más solidaria y inclusiva.

Les obres que se presenten han tar rellacionaes colos artículos recoyíos na Declaración Universal de los Drechos Humanos promulgada pola Asamblea Xeneral de les Naciones Xuníes en 1948. Han ser trabayos orixinales y inéditos y escritos en castellanu, asturianu o eonaviegu.

El certame establez trés categoríes en función del nivel d’estudios y de la estensión de les obres: l’alumnáu de primeru y segundu, y el de tercer y cuartu cursu de la ESO, respectivamente, van optar a unu de los dos premios de microrrellatos, mentes que la categoría de rellatos ye pa estudiantes de bachilleratu.

Los premios incluyen un llote de llibros y equipos electrónicos valoraos ente 90 y 180 euros. El Plazu de presentaciób ye dica’l 4 de payares.

Redaición InfoAsturies