De Callao a Sol, poles seis de Xixón

  • 25 Setiembre, 2022

Asturies enllenó ayeri les cais de Madrid con un manifestamientu multitudinariu nel que se reclamó la llibertá pa los condergaos por facer sindicalismu nel casu la Confitería Suiza

El manifestamientu, qu’entamó frente al Ministeriu de Xusticia pa finar n’Atocha, algamó’l so momentu de mayor fuercia cuando, cola cabeza en Sol ya’l final en Callao -más d’un km de distancia- se glayó al unísono un de los llemes de la protesta “Les seis de Xixón, nun entren en prisión”

Autocares vinientes de tol Estáu sumáronse a los qu’aportaron a Madrid dende Xixón pa revindicar peles cais de la capital española el drechu a lluchar polos trabayaores ensin ser víctimes de represalies. Un total de más de diez mil persones sofitando a los seis condergaos que, de nun camudar les coses, entrarán na cárcele nos prósimos tres meses, con sentencies de tres años y mediu y una multa de 150.000 euros acusaos de “coaciones graves y torga a la xusticia”, ello ye, por acudir a les concentraciones convocaes pola CNT delantre la Pastelería la Suiza (agora presllada por presión social) pa defender a una víctima d’acosu sesual y llaboral. El casu ta agora pendiente del Tribunal Supremu.

Pero anque yeren les protagonistes, el manifestamientu nun yera namás por ellos, comu esclaria’l llema baxo’l que foi convocáu “Facer sindicalismu nun ye un delitu”. Los convocantes consideren inadmisible’l xorreciente acosu al sindicalismu activu  del Estáu español, amparáu na mesma Llei Mordaza que l’actual gobiernu prometiere baltar. L’oxetivu yera “defender les llexítimes ferramientes de protesta social y de defensa de los y les trabayaores”.

Darréu, declaraciones d’Hector González, un de los condergaos y galería de semeyes.

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies