• Portada
  • >
  • Sociedá/Llaboral
  • >
  • “Na de nosotres ensin nosotres”, les ausiliares del SAD desixen la so presencia nes negociaciones

“Na de nosotres ensin nosotres”, les ausiliares del SAD desixen la so presencia nes negociaciones

  • 19 Setiembre, 2022

Nel manifestamientu que tuvo llugar esti sábadu en Xixón, un más dientro de la continua riestra de movilizaciones que protagonicen estes trabayaores, recalcaron la emportancia de ser elles les que negocien cola patronal, ensin sindicatos intermediarios polos que se sienten traicionaes

Na intervención, que tuvo llugar na Plaza Pelayo depués d’otru multitudinariu manifestamientu, les voceres del movimientu reclamaron que na mesa de negociación tienen que tar presentes “Les nueses compañeres, les qu’escoyimos pente toes pa que nos representen, les que defenden los nuesos drechos”. Los sindicatos españoles presentes fasta agora nes negociaciones, denuncien, non solo nun cuenten con elles, sinón que nin siquier ficieron aportar a la patronal el pliegu de reclamaciones que redautaron pente toes y que los representantes d’UXT y CCOO quedaren n’entregar y negociar.

Destacó la presencia nel manifestamientu d’abondos usuarios del serviciu acompangaos polos sos familiares, porque la llucha del SAD nun ye hasta consiguir pa elles un conveniu dignu sinón que, aporfiaron, la llucha sigui fasta consiguir qu’estos servicios esenciales que tan privatizaos seyan públicos, única forma de garantizar qu’aporten a toos ya toes n’igualdá de condiciones y de que nun prioricen el beneficiu económicu perriba la calidá del serviciu.

Pa finar faló una de les siete represaliaes de la empresa Senior, que por faltar un díe al trabayu por facer fuelga sancionóles un mes ensin emplegu y sueldu. Eva aprofitó la ocasión pa denunciar la imposición de servicios minimos abusivos, siendo ello qu’en munches empreses faese acudir al trabayu tolos díes comu parte d’estos servicios “mínimos”, torgando la participación na fuelga.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies