• Portada
  • >
  • Sociedá/Llaboral
  • >
  • Andecha Astur sofita a les trabayaores del SAD y llama a participar nel manifestamientu mañana

Andecha Astur sofita a les trabayaores del SAD y llama a participar nel manifestamientu mañana

  • 16 Setiembre, 2022

 Mañana sábadu a les doce del mediudíe saldrá un manifestamientu dende la Gota Llechi en sofitu a les demandes de les ausiliares y por un Serviciu d’Atención a Domiciliu de calidá, tantu cara a los usuarios comu a les trabayaores.

La formación nacionaliega recoyó les demandes de les trabayaores, a les que considera un modelu de llucha y organización asamblearia.

Una representación d’Andecha Astur, con Diego Morís, responsable de la so Estaya Llaboral, acompangó nes sos movilizaciones a les trabayaores del SAD, espresándo-yos el sofitu a la so plataforma vindicativa y recoyendo les demandes, que calificaron de “normales y xustes” frente l’acosu que carez el coleutivu per parte la patronal y los sindicatos españoles.

Nesi sen, destaquen comu modelu a seguir el sistema “asambleariu, solidariu, tresparente y ayenu al sindicalismu de moqueta” que prautiquen les trabayaores del SAD. Nes entrevistes que Diego Morís fexo a delles trabayaores, Elena Gago, auxilir del SAD y representante del sindicatu Coleutivu Trabayaores (CT) criticó duramente l’actuación de los sindicatos mayoritarios  nesta fuelga, acusándolos de querer reventala, pactando cola patronal al marxe de les trabayadores y faciendo por desestabilizar el poder asambleariu que define la protesta.

Na mesa de negociación UXT y CCOO negáronse a presentar les pidiciones alcordaes n’asamblea poles trabayaores, aceutando una propuesta qu’Arancha Suárez, del sindicatu Coleutivu Trabayaores (CT), definió d’irrisoria, tanto nes condiciones salariales comu nes llaborales, destacando la cuestión de los desplazamientos “ye como si la policía tuviere que poner el propiu coche a trabayar”.

Toes elles tienen perclaro que la solución pasa pola remunicipalización, daqué que ya ta faciéndose en dellos municipios del Estáu. Eva, otra trabayaora del SAD, recalca nesi sen que’l llabor que desendolquen ye un sirviciu de titularidá pública, pero que ta esternalizáu en manes d’empreses privaes que “lo único que faen ye precarizar a les trabayaores durante más de 30 años ya apropiase de los beneficios”.

Ye más d’un mes el que lleven en fuelga, saliendo ca díe a reclamar na cai nos sos drechos, pero siguen teniéndolo nidio “La llucha seguirá hasta conseguilo”.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies