Ante la situación de despoblamientu que carez el conceyu d’Ibias, neto que tola Asturies rural, la parroquia de Tormaleo ufre delles opciones de negociu a les families con fios n’edá escolar pa que s’asienten nel conceyu y caltener el colexu de Luiña abiertu

Caltener los colexos abiertos ye vital si se quier afitar población na fastera, pero la Conseyería d’Educación continúa presllando aquellos que nun tienen escolinos abondos, aplicando criterios de rentabilidá y non de prestación de servicios. Poro, en Tormaleo precisen reciella.

Pente los negocios propuestos, destaca un bar-restaurante nel núcleu de Fondevilla, un negociu con futuru ya que la incorporación de trabayaores a les obres na restauración minera de Tormaleo va facer insuficiente l’únicu chigre abiertu.

Pa contautar cola Xunta Vecinal impulsora de la propuesta, unviar mail a soscpsanjorge@gmail.com.

Redaición InfoAsturies

This work is licensed under a Creative Commons Attribution 4.0 International License.