Los convocantes -Andecha Astur, CSI (Corriente Sindical d’Izquierda), Mocedá Comunista, JCE m-l) y Famyr- lleeron un comunicáu consensuáu pente toos ellos nel que se comprometíen a lluchar en comuña por una Asturies meyor
Al marxen de mises, folixes valeres y actos oficiales con munches palmaines en llombu -esti añu tamién con munches protestes d’asturianos que s’averaron a reclamar a Barbón, comu los ganaeros y les ausiliares d’aida a domiciliu- hai una Asturies que nun festexa, porque revindica. Esa dióse cita ayeri a les doce’l mediudíi n’Uviéu, pa reclamar la solidaridá y la xunidá comu caminos p’algamar una Asturies meyor, na que “se garantice’l nuesu futuru comu trabayaores, comu asturianos, comu xente y pueblu llibre y d’esq
Los coleutivos más reconocios pola so llucha por un futuru más dignu pa los asturianos aconceyaron ayeri delantre la Xunta Xeneral, onde desplegaron unes grandes lletres col llema “otra Asturies ye posible”, asina comu una gran bandera d’Asturies y una pancarta col mesmu llema, que trata d’espeyar el so enfotu en conseguir pal país un futuru meyor.
Nel actu políticu tuvo llugar la llectura del testu de consensu, fecha por Irene Orviz (Corriente Sindical d’Izquierda) y Llucía Fernández (Andecha Astur), que dempués de faer un analís de la llaceriosa situación na que s’afaya Asturies y de lo ineficaz del actual gobiernu pa defender los drechos de la clas trabayaora asturiana, llamaron a salir del desenfotu, los personalismos y la comodidá pa xunise a esta llucha, comprometiéndose’n nome de toles organizaciones presentes adefender una Asturies “roxa, y verdi, y violeta… y multicollor” y definiendo una estratexa d’actuación xunitaria empobinada a lo que tien de ser un “frente común asturianu d’izquierda con capacidá de tresformación social”.
L’actu finó col llanzamientu de botes de fumo colos collores de la bandera asturiana y la interpretación a gaita de “La Flor del Agua”.
This work is licensed under a Creative Commons Attribution 4.0 International License.
