• Portada
  • >
  • Sociedá/Llaboral
  • >
  • Llamáu a sofitar a los 6 sindicalistes sentenciaos a cárcele pola defensa de los drechos de toos

Llamáu a sofitar a los 6 sindicalistes sentenciaos a cárcele pola defensa de los drechos de toos

  • 30 Agostu, 2022

Recoyemos esti escritu nel que Félix Redondo, miembru de la CSI y nietu d’una llienda del sindicalismu, fundaor del sindicatu y Alberto Alonso Beunza, delegáu de la CSI de la estaya sindical de GLOVO llamen a la solidaridá y a participar nel manifestamientu’l 24 setiembre contra la sentencia impuesta a 6 sindicalistes pola so defensa de los drechos de la clas obrera

Nun suelo escribir mensaxes sobro cuestiones asi , pero nesta ocasión voi faer una esceición. Facemos esti escritu n’honor a un compañeru involucráu, que yá ye cuasi de la familia, el primeru n’implicase y aidar, nun hai forma d’agradecer tolo que fixo y fae, falamos en nome, creo, de tolos compañeros.

El prósimu 24 de setiembre cellébrase’n Madrid un manifestamientu de denuncia contra una sentencia inxusta y ensin dengun encontu nin argumentu, que menacia con llevar a la cárcele a 6 sindicalistes de Xixón, atacando con ello, pente otres cuestiones, l’artículu 20 de la Costitucion española que diz que tou ciudadanu tien drechu a la llibertá d’espresión

La CNT va poner autobuses de baldre y escribimos por si tienes opción d’allegar al manifestamientu esi día, tu o daquién de la to redolada, porque sedría importante. Sabemos que nun ye un plan suañáu, pegase un madrugón un sábadu pela mañana y dir pa Madrid, pero nun tenemos otra opción.

Si quies y puedes, gustaríanos cuntar contigo o colos tuyos pa la mani y, no personal, taríamos bien agradecios. P’apuntase pue faese direutamente llamando a la CNT, al 634 95 44 56, o comunicándomoslo per istagram  (Xusticieros_del pueblu) anantes del 14 de setiembre.

Nun ye namás por defender a unos compañeroa na llucha, ye por un futuru ensin dictadures. Porque esti gobiernu fala de protexer al pueblu pero nos últimos tiempos tamos viendo coses que nun son normales d’esos personaxes escontra’l so propiu pueblu. Como decimos siempres, la xunión fai la fuercia y cuantos
más seyamos más yos va costar paranos, nun son abondos pa tou un pueblu.
Sabemos qu’hai mieu. Entendémoslo. Pero’l mieu combátese y pue convertise en fuercia y que seyan ellos los que tengan mieu. Préstanos ver comu ta’l panorama. Porque realmente dan a entender que menacien con cualquier cosa, por mieu o dalguna razón qu’intenten esconder al pueblu; y nesti pueblu hai 2 grupos, el que t’ama y llucha y sofita y l’otru ye’l de los memos. Confiamos nesti gran pueblu, que rellumó tantu tiempu pola so xunión, porque como dixo un gran señor de pies a cabeza “Col alma coleutiva salvamos toos o con ella individual vamos toos al infiernu”.

 

Felix Redondo y Alberto Alonso Beunza

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies