Esta selmana Xixón ratificóse comu capital mundial de la sidre con una selmana na que nun faltó denguna de les cites que son tradición nesti eventu y que ya s’echaben de menos estos caberos años. D’ello dieron fe los xixoneses -y tamién los averaos- que participaron multitudinariamente nos cancios de chigre, los tours llagareros, el Mercaín de la Mazana, la preba de sidre y sobre tou, el record mundial d’echar sidre qu’aconceyó a 9796 persones echando un culín na playa al tiempu.

Sicasí, los protagonistes d’esta edición de la Fiesta la Sidre foron dos: Salvador Ondó, que consiguió el naguau primer puestu comu meyor echaor nel concursu de Xixón, puntuable pal Campionatu d’Echaores d’Asturies, y Sidra Cabueñes, reconocía comu la meyor sidre natural y que recibió ayeri l’Eloxu d’Oru nuna emocionante ceremonia na que les gaites dieron solemnidá al momentu.