El Conceyu Carbayón pasa de querer facese cola capitalidá sidrera a ser l’únicu d’Asturies en prohibir que se sirva sidre nes sos fiestes
La prohibición nun ye direuta, pero si de factu: les bases reguladores de les casetes hosteleres impiden específicamente la venta de bébora en recipientes de más de 35 cl; teniendo en cuenta que les botelles de sidre son de 70 cl y que ye la única bébora qu’aveza vendése nesti formatu, ta nidio hacia onde ta empobiná la prohibición. La venta de sidre tará penalizá acordies el Réxime Sancionaor afitáu na Ordenanza Reguladora d’Ocupación d’Espacios Públicos, según recueyen les bases de les casetes de San Mateo.
La midía cuadra perfechamente nes polítiques antiasturianes desendolcaes pol executivu de Canteli dende l’entamu’l so mandatu y ye una más de les afrentes a la cultura asturiana d’el apodáu “Banderones”. Pente les reaciones suscitaes por esta anuncia entama a falase d’un aconceyamientu multitudinariu pa echar sidre delantre les casetes, comu forma de revindicación de la bébora patria.
Xicu Llamazares
This work is licensed under a Creative Commons Attribution 4.0 International License.
