SAD: ochavu día de fuelga y protestes

  • 24 Agostu, 2022

Ocho díes depués del entamu de la fuelga indefinía, la negociación cola patronal sigue rota y por supuestu, les movilizaciones y la fuelga continúen. Xixón, Uviéu, Mieres, la Pola Sieru… les trabayaores del SAD protagonicen concentraciones multitudinaries diariamente, ensin que se yos faiga casu… por agora

Fasta’l momentu, sigue ensin haber dalu averamientu pente lo que les trabayaores piden y lo que se yos ufre, de fechu la cabera propuesta presentá poles empreses resulta ser inda más precaria que l’anterior, ensin recoyer el pagu de compensaciones, el reconocimientu de la cualificación del personal nin  l’incrementu salarial y volviendo atrás con una peor propuesta de xornada que l’anterior.

Por dar unes cifres, el salariu mediu d’esti seutor, nel que más del 90% de los trabayaores son muyeres, ye de 1050 € brutos por una xornada d’ente 38 y 39 hores semanales, seique los contratos recueyen davezu venti o trenta, reduciendo esi salariu. La xubía propuesta pa los dos prósimos años poles empreses ye del ún por cientu.

Una de les sos principales demandes ye la fin de la esternalización del serviciu. Seique la xestión del SAD depende del “Principado”, de fechu esti deriva esa responsabilidá en conceyos y mancomunidaes de los que los más poblaos deriven a so vez n’empreses privaes. La esternalización implica que parte del presupuestu destináu pa dar el serviciu va a parar a beneficios pa les empreses, non a meyora nel mesmu nin a les persones contrataes pa desendolcalu.

Nun hai fecha pa la prósima mesa de negociación, a la que piden sentase tamién la plataforma d’Ausiliares del SAD, convocante de la fuelga, pa que s’incluyan les propuestes de les trabayaores, fasta agora non discuties polo sindicatos oficiales y la patronal. Entantu, pesi a tar aguantando unos servicios mínimos desaxeraos qu’enfeblecen l’efeutu de la fuelga, esta continúa indefinidamente y les concentraciones diaries seguirán teniendo llugar per toa Asturies. Güei, n’Uviéu.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies