• Portada
  • >
  • Mediu Ambiente
  • >
  • La llinia d’alta tensión autorizá en Les Ubiñes-La Mesa pon en pelligru’l Parque Natural

La llinia d’alta tensión autorizá en Les Ubiñes-La Mesa pon en pelligru’l Parque Natural

  • 23 Agostu, 2022

Los vecinos piden a Adrián Barbón que nun priorice los intereses privaos y que defenda la natura asturiana

El gobiernu del “Principado” vien de dar autorización pa que la empresa EDP (al traviés de la so filial Hidrocantábrico Distribuidora SAU) proyeute una nueva llínia d’alta tensión metanes el Parque Natural de Les Ubiñes-La Mesa.

El tendíu llétricu, que saldrá dende Páramo (conceyu Teverga) y llegará a Bueida (conceyu Quirós) atraviesará el Parque Natural, cortará áries d’estrema importancia ecolóxica protexíes pola Xunión Europea y prevocará un descomanáu impautu paisaxísticu y daños a especies protexies comu l’osu pardu, el llobu, el piquetín, la zapiquera o l’aigla.

La vecindá de la fastera opónse con fuercia a esti proutu, qu’alcuentren inxustificable ya innecesariu dafechu, polo qu’anuncien qu’entamarán aiciones pa torgar el proyeutu. Pa entamar, ta en marcha una recoyía de robles en change.org que tien recoyies fasta agora alrodiu de mil sofitos y que vos convidamos a roblar.

Pides a EDP que renuncie a esti proyeutu y a Adrián Barbón que cumpla cola so obligación de protexer la natura de toos ante la presión d’intereses privaos.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies