• Portada
  • >
  • Mediu Ambiente
  • >
  • La depuradora de Llanes nun ye quien a xestionar l’aumentu d’agües residuales en temporada turística

La depuradora de Llanes nun ye quien a xestionar l’aumentu d’agües residuales en temporada turística

  • 19/08/2022

La Coordinadora Ecoloxista d’Asturies denuncia’l mal furrulamientu de la depuraora de Llanes, onde continúen los vertios a la mar d’agües residuales ensin depurar

 

La depuraora, allugá na cueva baxu’l Paséu de San Pedro y xestioná pol consorciu d’agües d’Asturies (CADASA), furrula mal dende qu’entamó a operar y´los sos vertios alviértense davezu pol so color ya’l fedor. Nestos díes hebio tamién alivios d’agües residuales nes ries de Niembro y Poo y nes sableres de Palombina y Toro con el consiguiente impautu.

Estos arramaos d’agües residuales ensin tratar contaminen la mar, pero tamién les playes cercanes en plena campaña de baños. El Gobiernu d’Asturies  ye’l responsable del control y xixilancia de los vertios al dominiu públicu marítimo-terrestre y comprometiérese a reformar les conducciones del emisariu pa torgar la filtración d’agua, pero ta nidio que les reformes na depuradora feches nel 2014 nun foron abondo pal volume d’agües residuales en branu, cuando’l conceyu multiplica la so población col turismu.

Nuria Prendes


Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies