• Portada
  • >
  • Asturies
  • >
  • VI Xubía a les Trincheres de Tarna y Homenaxe al Conseyu Soberanu

VI Xubía a les Trincheres de Tarna y Homenaxe al Conseyu Soberanu

  • 18 Agostu, 2022

Andecha Astur convoca pal prósimu domingu 21 d’agostu, el tradicional  actu d’homenaxe al ñacimientu del Conseyu d’Asturies y Llión, cabera istitución democráticamente escoyía polos asturianos 

Tres dies anantes del 85 cabudañu del momentu hestóricu nel que los asturianos independizábense de fechu y dafechu de la República Española, la formación nacionaliega tornará a visitar les trincheres dende les que se lluchó contra l’exércitu franquista español y a los sos alliaos alemanes ya italianos. Naquel intre, la República española antepunxo esplícitamente la xunidá d’España a la llucha antifacista, abandonando a los asturianos, llegando a desixi-yos la rendición y considerando un alliviu l’acupación d’Asturies poles tropes facistes. Los asturianos proclamaren entós el Conseyu Soberanu d’Asturies y Llión, entamando un procesu hestóricu que-y valió  la so reconocencia a nivel internacional, talo como solicitó formalmente Belarmino Tomás, Presidente del Conseyu Soberanu, a la Sociedá de Naciones.

L’actu tendrá llugar el domingu 21 d’agostu nel Puertu Tarna. A les 10:00 xubiráse a les trincheres de la Filispardi y a les 13:00 tendrá llugar l’homenaxe propiamente dichu al pie del monumentu que fai alcordanza d’esta hestórica declaración, que nel so primer artículu recueye «El Conseyu Interprovincial d’Asturies y Lleón, de magar la fecha y hora de la promulgación d’esti decretu, costitúise en Conseyu Soberanu de gobiernu tol territoriu de la so xurisdición y a elli queden dafechamente sometíes toles xurisdiciones y muerganismos civiles y militares que foncionen o vaigan foncionar de secute dientru’l mentáu territoriu.»

Dende Andecha Astur remembren qu’esta foi la cabera istitución democráticamente costituyía polos asturianos ya que “la falsa transición política cola que continuó’l franquismu non solo nun permitió recuperar esta auténtica istitución d’autogobiernu, sinon qu’impunxo dende Madrid –ensin que’l Pueblu Asturianu pudiere votalo- un “Principado” y un Estatutu descontestualizáu hestoricamente y sociolóxicamente ayenu a la sociedá asturiana, condergándomos a la situación de colonialismu que carecemos anguañu”.

 

Nuria Prendes


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies