• Portada
  • >
  • Mundiu
  • >
  • El TJA (Movimientu de Muyeres Kurdes Llibres) urxe’l reconocimientu del xenocidiu Èzidi del tres d’agosgtu

El TJA (Movimientu de Muyeres Kurdes Llibres) urxe’l reconocimientu del xenocidiu Èzidi del tres d’agosgtu

  • 2 Agostu, 2022

Nel ochavu cabudañu del Xenocidiu Êzidî cometíu en Şengal (Sinjar) les muyeres kurdes piden el reconocimientu internacional y que se permita a los Ézidi decidir el so futuru

Esta foi la 74 matanza contra esti pueblu na so hestoria y nelli foron esclavizaes y vendies pente 5000 y 7000 muyeres, miles de cuerpos apaecieron en foses comunes, 450.000 persones foron desplazaes, incluyendo 150.000 qu’hubieron de fuxir caminando cientos de km hacia la Montaña Şengal. A les muertes nel momentu hai de sumar los cientos de fallecimientos por fame, sede y esgotamientu, los achuquinaos pel camín y los desapaecios. Alrodiu de 3000 rapacinos foron esclacizaos, vendíos y forciaos a renunciar a los sos raigaños y a convertise al Islam. La intención yera facer desapaecer a esti pueblu de la hestoria y del presente.
En 2016 descubrióse que munches muyeres Êzidî foren vendies nel mercáu dixital, noticia que foi espardía poles televisiones alemanes NDR y SWR, llanzose una investigación y alcontráronse prebes incriminatories, pero nun se fizo más. Nun hai un númberu esautu de muyeres y neños esclavizaos, nun se desendolcó denguna investigación efeutiva. Entanto’l mundiu enteru reconoz el xenocidiu y los crímente contra la humanidá, Turkia permaneció en silenciu.

Anguañu, los Êzidî continuen en pelligru poles sos creyencies y cultura, vendios por alcuerdos que nos que nun pueden decidir.  Los residentes de Şengal creen los sos conceyos de muyeres y mocedá y tan creando les sos propies fuercies de defensa pa progexese de posibles masacres y recuperar les sos vides. Dende la TJA pidin a tolos países del mundiu que reconozan esti xenocidiu y defendan el drechu de los Ezidi a decidir el so futuru.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies