La Coordinadora Ecoloxista d’Asturies nun considera afayaizu el procedimientu de depuración propuestu pa solucionar el problema de vertíu d’agües residuales del Cientru d’Esperimentación con fueu y túnel d’ensayos de la Fundación Barredo na llocalidá de San Pedro d’Anes, nel Conceyu de Siero, nel que s’utilicen combustibles fósiles y otres sustancies contaminantes. Nel procesu propuestu nun se contempla la separación d’ambes redes -doméstica ya industrial-, daqué que la CEA considera necesario pa poder facer los tratamientos diferentes.

Esta istalación, financiada colos Fondos Mineros, lleva más de 17 años furrulando nuna situación de completa precariedá ambiental, con gran impautu na zona, pero nun ye fasta agora que s’acometen les istalaciones de depuracion

De magar l’añu 2005 esta istalación pública d’investigación de fueu nel interior de túneles apina delles denuncies por falta-y cualquier midía pa paliar la contaminación que xenera nel procesu, polos fumos contaminantes producios na quema de carburantes nel túnel, polos vertios ensin depuradora , abastecese d’agua ensin autorización… Tou ello cola complicidá del Conceyu Siero y del Principado.