Los docentes califiquen de desastrosu’l procesu d’oposiciones del Cuerpu de Mayestros “Esíxesenos unes competencies y saberes que paecen inesistentes en nuesa mesma Conseyería“
Depués de toles protestes xeneraes por un procesu d’oposiciones qu’apinó despropósitos, dende la so mesma convocatoria a les carrenderes al efeutu llamada que prevocó el eriodu más llargu de la hestoria pa poder iscribise al procesu, súmase agora la espublización de llistaos d’opositores aptos aplicando una fase del concursu enquivocao. El balle de baremos incorrechos, la necesidá continua de realizar allegamientos y los cambeos de places asignaes por tribunales continuaron fasta la espublización de les llistes definitives, cargando d’estres y complicaciones un procesu ya de por si duru y abegosu, comu ye’l presentase a unes oposiciones.
Per otru lláu, el llarguísimu periodu d’iscrición llevó a que s’apuntaren munchísimos opositores, asgaya de fuera d’Asturies, lo que llevó a que los y les componentes de tribunales nun tuvieren tiempu abondu p’atender a los opositores, recibiendo la información con malpenes 15 menutos anantes de ver a la primer persona aspirante y coincidiendo col fin de cursu, lo que yos fizo cargar con una cantidá d’hores de trabayu descomaná.
Dende’l Sindicatu d’ensiñantes SUATEA desixen s a la Conseyería que tome les midíes oportunes por que tal cúmulu de despropósitos nun vuelva asoceder, qu’escuche y acepte dalgunes de les múltiples propuestes qu’añu tres d’añu presenten al entamu de cursu p’ameyorar el procesu selectivu.
Depués de toles protestes xeneraes por un procesu d’oposiciones qu’apinó despropósitos, dende la so mesma convocatoria a les carrenderes al efeutu llamada que prevocó el eriodu más llargu de la hestoria pa poder iscribise al procesu, súmase agora la espublización de llistaos d’opositores aptos aplicando una fase del concursu enquivocao. El balle de baremos incorrechos, la necesidá continua de realizar allegamientos y los cambeos de places asignaes por tribunales continuaron fasta la espublización de les llistes definitives, cargando d’estres y complicaciones un procesu ya de por si duru y abegosu, comu ye’l presentase a unes oposiciones.
Per otru lláu, el llarguísimu periodu d’iscrición llevó a que s’apuntaren munchísimos opositores, asgaya de fuera d’Asturies, lo que llevó a que los y les componentes de tribunales nun tuvieren tiempu abondu p’atender a los opositores, recibiendo la información con malpenes 15 menutos anantes de ver a la primer persona aspirante y coincidiendo col fin de cursu, lo que yos fizo cargar con una cantidá d’hores de trabayu descomaná.
Dende’l Sindicatu d’ensiñantes SUATEA desixen s a la Conseyería que tome les midíes oportunes por que tal cúmulu de despropósitos nun vuelva asoceder, qu’escuche y acepte dalgunes de les múltiples propuestes qu’añu tres d’añu presenten al entamu de cursu p’ameyorar el procesu selectivu.
Redaición InfoAsturies
This work is licensed under a Creative Commons Attribution 4.0 International License.
