Sanción pol baltu d’abondos árboles autóctonos en Salave

  • 13 Xullo, 2022

La Confederación Hidrográfica del Cantábricu entama un espediente sancionaor contra la empresa responsable del baltu d’árboles na zona de les llagunes de Silva, en Salave, promovía pola empresa minera nos sos tarrenes, entantu’l “Principado” niega los daños, en connivencia colos causantes de la llaceria

La Coordinadora Ecoloxista denunciare’l baltu d´árboles nos Llagos de Silva (Tapia), qu’afeutare a una biesca con exemplares de carbayu, castañal, pinu, omeru y otres especies autóctones asina comu a tarrenes d’altu valir  ambiental y arqueolóxicu que forman parte del Ária Importante pa la Conservación de les Aves y de la Biodiversidá (IBA) Ría del Eo (Ribadeo) – Playa de Barayo – Ría de Foz,

Nel procesu abriéronse nueves siendes de forma irregular, desfaciendo les caleyes, imposibilitando l’acesu de vecinos propietarios de les parceles d’al par y dexando la fastera imprauticable, enllena restos de la corta, incluyendo’l agua ya’l Canal Romanu.

La Confederación reconoz que s’incumplieron les condiciones xenerales de l’autorización que la empresa tenía pal baltu d’árboles, produciéndose importantes daños nel dominiu públicu de la fastera que nun foren iguaos pesi a les denuncies de los vecinos.

Dende la Coordinadora Ecoloxista destaquen el contraste pente esi espediente con la dexación de funciones por parte’l Gobierno d’Asturies que, ante la mesma denuncia, caltuvo que nun esistíen daños, lo que yos fae albidrar la so complicidá cola empresa minera.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies