• Portada
  • >
  • Sanidá
  • >
  • La valoración de la discapacidá lleva un retrasu de tres años

La valoración de la discapacidá lleva un retrasu de tres años

  • 12 Xullo, 2022

La falta de personal fae que los cientros de valoración de la discapacidá ten trabayando nesti momentu coles llistes correspodientes al añu 2019. La Conseyería plantega l’avance camín de la privatización del serviciu comu solución, ensin plantegase la contratación direuta de personal

Los Cientros Base de Valoración y Orientación a persones con discapacidá son los encargaos de la valoración, calificación y reconocimientu alministrativu del grau de discapacidá, asumiendo, amás, funciones d’información, orientación profesional ya intervención terapéutica en réxime ambulatoriu. Comu servicios sociales especializaos d’atención básica tendríen de costituyir un referente pa les persones con discapacidá y les sos families. De fechu, el so llabor principal ye l’aprebación y gradación de la discapacidá cara a la perceición d’aides, tantu económiques comu d’orde sanitariu; esti trámite ye tamién necesariu p’aceder a aparcamientos especiales y a tarificaciones bonificaes en servicios públicos.

Anguañu les llistes d’espera pa la valoración nos tres cientros asturianos apinen tres años de retrasu, ello ye, tan estudiándose los casos qu’entregaron la so documentación nel añu 2019 y los trabayaores nos cientros “tienen la esperanza” d’entamar colos relativos al 2020 anantes de fin d’añu. La falta de personal fae que non solo ten saturaos, sinón que tienen en munchos casos qu’asumir llabores d’información que nun yos correspuenden.

La conseyera de drechos sociales, Melania Álvarez, plantega comu única solución la contratación de collaboraores ayenos a l’alministración y un conveniu col Hospital de Xove de Xixón, ello ye, la privatización del serviciu, dientro la llinia del gobiernu “socialista” de privatizar los servicios públicos más básicos.

Alberto Rodríguez

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies