• Portada
  • >
  • Sociedá/Llaboral
  • >
  • La rempuesta de la Comisión Europea a les entrugues d’Andecha Astur sobro’l conflictu d’Arcelor nun dexa llugar a dudes

La rempuesta de la Comisión Europea a les entrugues d’Andecha Astur sobro’l conflictu d’Arcelor nun dexa llugar a dudes

  • 7 Xullo, 2022

Nicolas Schmit, Comisariu Européu d’Emplegu y Drechos Sociales y miembru’l Partíu Socialista Obreru de Luxemburgu, robla la carta de rempuesta a les entrugues sobro la reconversión d’Arcelor Mittal n’Asturies. presentaes pol eurodiputáu Pernando Barrena, d’EH Bildu, socios d’Andecha Astur na coallición Agora Repúbliques. Nella la Comisión Europea afirma nun tener conocimientu nin pidición de mediación nel conflictu por parte del Gobiernu del PSOE-Podemos y dexa nidio que se desentienden del asuntu. Esti nueu y grave episodiu de desindustrialización d’Asturies implicaría qu’Arcelor Mittal desanicie 1000 emplegos y amenorgue en más d’un millón de tonelaes la so produción, cola connivencia sinón cola complicidá de los gobiernos asturianu y español.

La primer de les entrugues plantegaba si la Comisión Europea afalará la estabilidá territorial d’empreses que, comu Arcelor Mittal, reciben aídes europees a lo que’l Comisariu del partíu socialista arrespuende poniendo per delantre la llibertá de movimientu’l capital y esclariando que, en tou casu, la responsabilidá de controlar la reconversión o desllocalización d’Arcelor Mittal ye únicamente del gobiernu español PSOE-Unidas Podemos.

No que cinca a midies a tomar pa torgar qu’Arcelor Mittal suprima 1000 puestos de trabayu, la Comisión tampocu ufre aida y namás podría ufrir, a posteriori, aídes del Fondu Européu d’Adautación a la Globalización pa Trabayaores Dispidíos, del Fondu Social Européu Plus, del Fondu a la Recuperanza pa la Cohesión y los Territorios d’Europa y del Mecanismu de Recuperación y Resiliencia.

En cualisquier casu, Nicolas Schmit afita que la CE nun recibiere del Estáu Español dala pidición d’intervención al respeutu.

Pa Andecha Astur queda nidio, tres d’esta rempuesta, que’l conflictu d’Arcelor Mittal namás podrá solucionase, comu dixo nel so momentu’l Conceyu Abiertu de trabayaores y la seición sindical de la CSI, con una llucha activa de la plantía y el sofitu de la sociedá asturiana. Nesta situación, afirmen, “nun se pue aceutar la calma que, de mou cómpliz, aconseyen los partíos españoles. Nun val engañase: sólo la presión sobro la empresa 4 y sol Gobiernu d’Adrián Barbón permitiría forciar la posición del Gobiernu PSOE-Unidas Podemos, favoratible a dexar carta blanca al señor Aditya Mittal”.

Andecha Astur va dar treslláu d’esta carta de la Comisión Europea a los trabayaores d’Arcelor Mittal, que tuvieron hai poco un alcuentru en Madrid con tres diputaos d’EH Bildu, nel marcu d’un alcuentru que facilitó Andecha Astur pa les plantíes d’empreses en cris que n’Asturies tán lluchando pol futuru de toes y toos.

Nuria Prendes

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies