• Portada
  • >
  • Asturies
  • >
  • EH Bildu presenta en Congresu Español les entrugues d’Andecha sobro la desindustrialización d’Asturies

EH Bildu presenta en Congresu Español les entrugues d’Andecha sobro la desindustrialización d’Asturies

  • 30 Xuño, 2022

Con estes entrugues y la visita de los trabayaores asturianos en llucha de la selmana pasá Andecha Astur trata d’implicar al gobiernu d’España na gueta de soluciones a l’actual crisis asturiana

P’Andecha Astur la grave situación de les empreses en cris n’Asturies respuende a unes polítiques económiques ya industriales planificaes ya impulsaes dende Madrid y aplicaes poles sos sucursales nel gobiernu d’Asturies, lo que xustifica la inación del  ‘Principado’ al respeutu, asina comu la falta d’enfotu de los sindicatos españoles n’Asturies.

Ye por ello que, aprofitando la pertenencia d’Andecha Astur a la coallición ‘Agora Repúbliques’, decidieron llevar a Madrid les reclamaciones de los trabayaores, qu’aconceyaron la selmana pasá con dellos diputaos d’EH Bildu y agora vienen de rexistrar en Congresu español una riestra d’entrugues sobro’l nueu procesu de desindustrialización que carez Asturies.

Les entrugues presentaes qu’Oskar Matute presentó al gobiernu español con solicitú de rempuesta per escrito llamaben l’atención sobro los conflictos d’Alsa, Alu Ibérica, ArcelorMittal, Asturiana de Zinc, Danone, Delcom, Duro Felguera, EBHI, General Dynamics, Just Eat, Konecta, Lacera, Mataderu Xixón, Modultec, MRT, SAD, Saint-Gobain, Serunion, Sespa, Vayen y otres empresas, allugaes n’Asturies, que dicen alcontrase’n situación de grave crisis, faciendo pelligrar les sos inversiones, las ayudes públiques recibies por delles, los puestos de trabayu y con ello la estabilidá social, económica y llaboral d’Asturies.

Darréu, plantegaben al Ministeriu de Trabayu ya’l d’Industria con cuantes d’estes empreses caltienen contautu cola fin d’estudiar planes de viabilidá y qu’aniciatives tan previstes pa compensar esti nuevu procesu de desaniciu masivu del texíu industrial asturianu y pa recuperar el capital públicu invertíu.

Nesi sen, entruguen tamién si hai en marcha negociaciones o pautos col Gobiernu d’Asturies, pa la puesta en marcha d’un urxente Plan Estratéxicu de Reindustrialización d’Asturies, que permita una solución consensuada a esti desaniciu.

El Gobiernu d’España tendrá agora que retrucar a estes entrugues, reconociendo esplícitamente la so falta d’implicación ante la grave situación de les empreses asturianes o afalando al Gobiernu d’Asturies a sentase a negociar y buscar soluciones urxentes.

Nuria Prendes

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies