Xornada de duple manifestamientu: Danone y Saint Gobain reclamen polos sos emplegos

  • 27 Xuño, 2022

Cuando los conflictos llaborales son tantos, les protestes multiplíquense, dandose’l casu de qu’hai díes, comu güei, nos que se duplica la cita en defensa de los puestos de trabayu

El díe revindicativu entama a les once delantre la factoría de Saint Gobain, de onde se saldrá nuna marcha a pie fasta la Casa Conceyu d’Avilés, con llegada prevista a les doce del mediu díi, baxo’l llema “equí nun sobra naide”, el mesmu de la riestra de fuelgues y protestes que tan desendolcando los trabayaores en contra del procesu de despidos de la multinacional.

A les 19:30 n’Uviéu, tendrá llugar el segundu manifestamientu del díe, nesti casu en defensa de la planta de Danone en Salas, en procesu de preslle y/o venta. Los trabayaores tan en contra de la venta de la fábrica a Prolacto, empresa perteneciente al grupu industrial alemán Quantum Capital, que mercó Vauste (antigua Tenneco) en 2016 aniciando con ello el procesu de desmantelamientu dafechu de la fábrica xixonesa. Los trabayaores de Danone lleven protagonizando delles aiciones de protesta de magar l’anunciu de preslle de la planta, siendo unos de los que participaron na dellegación qu’acudió a Madrí de la man d’Andecha Astur a treslladar el so problema a los diputaos d’EH Bildu y ERC. 

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies