Segunda xornada de paru total el Saint Gobain

  • 20 Xunu, 2022

Los emplegaos d’automoción sofiten dafechu la füelga contra los despidos anunciaos por Saint Gobain, paralizando la produción de la multinacional francesa 

La plantiya de los tres departamentos d’automoción de Saint- Gobain afeutá pol anunciu de despidos va encarar güei la segunda xornada de fuelga, a la espera de la xunta programada pa mañana cola direición de la compañía. La fuelga entamó a les 6.00 hores d’esti domingu, nes trés estayes afeutaes pol anunciu de despidos. El seguimientu foi total pente los trabayaore y cuéntase con que güei se sume’l personal de les oficines.

La plantiya desixe a la compañía que retire l’espediente de despidos coleutivos presentáu pola dirección del departamentu de vidriu d’automoción el pasáu día 2. La direición de la compañía y los representantes sindicales volverán aconceyar mañana nun intentu d’averar postures, anque pel intre siguen siendo antagóniques. El presidente del comité d’empresa alvirtió ayeri de que «la plantiya sofita esta fuelga con rotundidá», dando idega de que los trabayadores tán dispuestos a caltener el pulsu cola multinacional francesa.

La compañía, pela so parte, emitió un comunicáu amosando’l so refugu a la convocatoria de fuelga y nel que facía “un llamamientu a que les prósimes xornaes se desendolquen nun clima de responsabilidá”  Nel horizonte ta por ver la inversión nel fornu y la menacia de que la compañía l’anule como midía de presión énte la conflictividá.

 

    Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies