La cantidá d’esplumes que baxa’l Nalón a l’altor de Fuxo de la Reina (Uviéu) fae que se vea blancu dafechu

Décades baxando prietu, el Nalón baxa agora blancu dafechu. La Confederación Hidrográfica foi ya alertá d’esti estrañu fenómenu, que se debe de xuro a la presencia de vertíos nes agües del ríu, ensin qu’enta se sepa si’l so orixe ye orgánicu, frutu del mal furrulamientu d’una depuraora, o industrial, causau pol arramáu de productos químicos.

Esta contaminación súmase a otros munchos episodios contaminantes nos estremaos ríos asturianos, ensin que s’anicien o siquiera s’anuncien aiciones clare y efeutives pa finar cola contaminación de los nuesos ríos.

Redaición InfoAsturies

This work is licensed under a Creative Commons Attribution 4.0 International License.