Los Xuegos Escolares d’Esguilada tuvieron llugar esti fin de selmana en Xixón, aconceyando rapacinos d’estremaos conceyos, nun ambiente más collaborativu que competitivu, nel que punxeron a preba les sos habilidaes esguilando peles parees del Rocódromu de Mata Jove
Les tres categoríes, dificultá, velocidá y boulder, foron los retos a los que s’enfrentaron a los animosos rapacinos, d’ente 7 y 12 años, que demostraron la so capacidá esguilando per una parede principal de 15 x 16m ya’l boulder de 9 x 3,5m
La entrega de premios foi un momentu mui especial, col podium escolingáu que se preparó pa la ocasión y qu’encantó a la reciella. Amás, pa la ocasión cuntaron cola presencia del Conceyal d’Esportes, Ramón Tuero, ya’l vicepresidente de la Federación Asturiana de Montaña, Antonio Alba Moratilla.
Redaición InfoAsturies
This work is licensed under a Creative Commons Attribution 4.0 International License.
