La esibición cunta con catorce obres, pente les que destaquen la ganadora del concursu, la obra “La gran fola” de Gonzalo Prieto, que llevó’l Premiu Conceyu de Valdés, y el segundu, Premiu Fundación Caxa Rural d’Asturies, que foi pa la obra “A lluz non encoberto” del artista Silos. La esposición podrá visitáse hasta’l 15 de xunu de llunes a sábadu de 11:00 a 14:00 hores y de 17:00 a 20:00 hores. El domingu de 11:00 a 14:00 hores y ye de baldre

“Quixímos cuntar con esta esposición yá que ye itinerante y paeciónos bien bona idega traela hasta Gozón, más concretamente al Muséu Marítimu, onde disponíamos de más espaciu pa poner les obres. La esposición cunta con 20 obres, pero namái 16 son itinerantes. Nós por mor del espaciu espunximos 14”, comentaba la conceyala de Turismu, Eugenia Fernández. “Amás, va ser la última vegada que pueda vese anantes de setiembre”, añedió Fernández.

Al actu allegaron el director del Muséu Marítimu d’Asturies, D. José Ramón García; la conceyala de Turismu, Eugenia Fernández; la conceyala de Mocedá y Ación Social, Alba Escandón; la conceyala d’esportes, Mariana García,  y el director de la Casa de Cultura de Gozón, Víctor Cuervo.

Alberto Rodríguez

This work is licensed under a Creative Commons Attribution 4.0 International License.