VI Concursu d’Enramáu de Fontes por San Xuan 

  • 30 Mayu, 2022

El Conceyu de Gozón vuelve con Concursu d’Enramáu de Fontes de la festividá de San Xuan na so sesta edición, tres l’ésitu del añu pasáu

Acordies coles bases, les decoraciones fadránse ente’l día 22 y el 23 de xunu anantes de les 16.00 hores y va poder participar cualquier asociación o persona’l conceyu qu’asina lo deseye. El xuráu, nomáu pol Consistoriu, va valorar especialmente los componentes estéticos, la llaboriosidá, la recuperación de vezos ya’l respetu ambiental. Comu la pasada edición, va haber un premiu escoyíu por aciu’l votu popular anque esti añu nun va ser pel Facebook, sinón que namás van votar les persones qu’alleguen nel autobús de baldre que va poner el Conceyu, y que va percorrer les fontes enramaes del conceyu.

Los galardonaos, trés escoyíos pol xuráu y un por escoyeta popular, van dase a conocer el 25 de xunu al traviés de la páxina web municipal y les redes sociales. La entrega premios tamién va anunciase esi mesmu día. El plazu d’iscripción nel concursu remata’l vienres 17 de xunu. Ye posible apuntase de manera presencial na Oficina de Turismu n’horariu de 11.00 a 14.00 hores o de 17.00 a 20.00 hores o llamando al teléfonu 985 88 26 44.

Alberto Rodríguez


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies