L’Asamblea de Trabayaores en Llucha convoca pa mañana a les nueve la mañana una concentración delantre’l parllamentu d’Asturies
EBHI, ALSA, Delcom, Lacera, Just Eat, Conecta, Danone, Modultec, Serunion, MRT, Duro Felguera, Mataeru de Xixón, Konecta, trabayaores del Serviciu de Salú, General Dinamics, Yayen y Vauste son namás un garrapiellu de les empreses o servicios públicos en conflictu llaboral anguañu.
La política industrial y llaboral aplicada n’Asturies pol PSOE nes caberes décades llevó’l país a una situación de ruina y precariedá ensin precedentes. Pente lós munchos y munches trabayaores perxudicaes por estes polítiques alcuéntrense los que convoquen pa mañana una protesta delantre la Xunta Xeneral reclamando una política industrial que fine cola desindustrialización y esfarrapamientu del texíu socio-económicu asturianu poniendo per delantre los intereses, drechos y necesidades de los/es trabayaores asturianos.
La cita ye mañana a les 9, delantre la Xunta Xeneral del Parllamentu Asturianu, na Cai Fruela d’Uviéu.
Llucía F. Marqués
This work is licensed under a Creative Commons Attribution 4.0 International License.
