• Portada
  • >
  • Asturies
  • >
  • Los retayos de plantilla lleven a EBHI a nun poder facer frente a la carga de trabayu

Los retayos de plantilla lleven a EBHI a nun poder facer frente a la carga de trabayu

  • 20 Mayu, 2022

Tres barcos tuvieron de ser desviaos y seies esperen nos alrodiu del puertu a ser descargaos, colapsando les istalaciones de la empresa, que nun da a bastu

La Estaya Sindical de CSI n’EBHI informa del desvíu del 3º barcu al muelle norte no que va d’añu por nun poder facese cargu de la so descarga la propia terminal nes sos istalaciones.

El barcu trátase del “NAVIOS LUZ” con 30.000 tonelaes de mineral de fierro. Anteriormente desviárase’l buque“OCEAN S” con 22.000 tonelaes de carbón y el pasáu mes el“TIGER WEST” con otres 72.000 tonelaes. Nesti caberu casu, según noticia espublizada en prensa, el desvíu debióse a la falta d’espaciu pal so almacenamientu na propia terminal, echándose la culpa a la fuelga del trasporte.

El fechu ye qu’a día de güei van descargaes  4,725.000 tonelaes, (siendo la previsión pa esti añu de 7,5 millones), y tán previstos a curtiu plazu 9 buques más con otres 825.000, 6 d’ellos ya fondeaos nes inmediaciones del puertu, lo que dexa les istalaciones colapsaes, incluyendo la esplaná onde operaba
“NMR”, qu’agora ta siendo utilizá pal almacenamientu de carbón por parte d’EBHI, ocupando’l 100% de la so superficie.
Tou esti colapsu débese a dos motivos: la supresión del turnu de nueche cuando nun hai barcu na terminal y una pésima planificación por parte d la Direición d’Operaciones, por mor de la importante merma na plantilla operativa tres del ERE d’estinción de contratos del añu pasáu.
La supresión del turnu de nueche, amás, tien comu consecuencia que tol llevante de material se faiga con camiones per carretera, muncho más llento que coles máquines combinaes a cinta, comu se facía anantes, lo qu’amás lleva a que s’almacene mal en Veriña, ya que los camiones nun puen apinar el camión tan alto comu les máquines.
La falta personal lleva tamién a la incapacidá d’entamar turnos nuecherniegos completos mesmo cuando hai barcos na terminal, faltando personal pa completar la plantilla.

Col volume de trabayu y la cantidá de tonelaes que se tan descargando, el retayu de plantilla impide desendolcar con normalidá les llabores propies de la empresa, denuncien los trabayaores, que remembren les pallabres de José Manuel del Arco, Director del Puertu Xixón, cuando dixo que “tener 5 turnos n’ Ebhi yera un privilexu… “agora ye una necesidá”.

Redaición InfoAsturies


This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies