Iniciativa polAsturianu califica de decepcionantes los nuevos currículos educativos

  • 20 Mayu, 2022

La organización cellebra l’aumentu d’hores en bachilleratu pero considera insuficiente y deceicionante la presencia de la llingua asturiana nos nuevos currículos educativos presentaos pola Conseyería d’Educación nes selmanes caberes

Iniciativa pol Asturianu reclama al Executivu una presencia digna de la nuesa llingua en toles etapes educatives, dando cumplimientu al mandatu de la Llei d’Usu. L’artículu diez d’esta norma afita que “el Principáu d’Asturies ha garantizar l’enseñu del bable/asturianu en tolos niveles y graos” y garantiza que los alumnos qu’escueyan el so aprendimientu tendrán de recibir “la mesma formación y conocimientos n’igualdá de condiciones que’lrestu del alumnáu”.

Los currículos educativos ellaboraos pola Conseyería d’Educación pa concretar l’aplicación de la LOMLOE n’Asturies namás recueyen pequeños avances pa Llingua Asturiana nel casu de Bachilleratu, onde esta materia pasa d’una a tres hores selmanales, pero va siguir compitiendo con otres asignatures nesta etapa, como tamién pasa en Secundaria, contraviniendo l’espíritu de la citada llei. Nel restu d’etapes educatives la presencia de l’asignatura nun ameyora: pierde una hora nel cuartu cursu de Secundaria y caltién una insuficiente hora y media selmanal en Primaria. Nel casu de la educación Infantil nin siquiera se cita, lo que contravién direutamente la llei.

La entidá reclama que la presencia del asturianu dientro de la formación educativa tenga una mayor continuidá y refuga los saltos d’hores dependiendo del cursu y la etapa. “Esto llograría dar estabilidá a l’asignatura y permitiría tamién un refuerzu nos propios conocimientos del alumnáu”.

Campaña de matriculación

Iniciativa polAsturianu aprovechó pa recordar la necesidá de sacar la campaña de matriculación pal siguiente cursu en tiempu y forma. La organización recuerda que yá treslladó en delles ocasiones esta demanda a la Dirección Xeneral de Política Llingüística y a la propia Conseyera d’Educación, Lydia Espina, nel conceyu que caltuvo cola organización nelpasáu mes de febreru. “Nun ye de recibu publicar una campaña informativa con unes feches nes que yá tan cumplimentaes prácticamente toles matrícules”, apunten.

Redaición InfoAsturies



This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies