Industria refuga les propuestes d’Andecha Astur p’asegurar l’emplegu n’Arcelor

  • 19 Mayu, 2022

Andecha Astur presentare al traviés del portavoz d’EH Bildu nel Congresu los Diputaos, Oskar Matute, unes entrugues sobro les intenciones del Gobiernu español na proteición de los trabayaores d’ArcelorMittal y unes propuestes pa caltener  l’emplegu y los drechos llaborales nesta empresa, defendiendo la prioridá de los intereses públicos

La menacia de reencadarmar la empresa, retayar la produción y desaniciar más de mil emplegos nun alcuentra rempuesta nel gobiernu que s’autodefine comu’l más progresista de los borbónicos. Ante esa falta d’aniciativa, Andecha Astur fizo aportar al Gobiernu PSOE-Podemos-IU, una riestra d’entrugues ya aniciatives coles que garantizar los puestos de trabayu n’Arcelor Mittal, que foron desestimaes en plenu.

Pente les propuestes feches y refugaes ta la posibilidá de determinar la entrá de l’Alministración Pública nel aicionariáu d’ArcelorMittal, comu compensación a los miles de millones d’aídes públiques que recibe esta multinacional.

El Gobiernu español tampocu nun va facer un res pa consiguir otra de les desixencies d’Andecha Astur: que la plantilla d’ArcelorMittal disponga yá del conveniu llaboral al que tienen drechu y que la empresa retarda too siguío.

Andecha Astur considera qu’estos fechos demuestren que los partíos nel poder, PSOE, Podemos ya IU, renuncien a la defensa de la clas trabayaora y a los intereses públicos de los asturianos y los trabayaores, polo que defenden que ye necesario “que toa Asturies saque conclusiones polítiques d’estos fechos y que les tresllade a les prósimes elleiciones, facilitando’l cambiu políticu radical que necesita Asturies: un gobiernu propiu que la defenda de verdá y una presencia en Madrid que garantice que les asturianes y asturianos tienen voz propia énte’l Gobiernu español”.

Per otru llau, Andecha Astur confirma’l valir de la so coalición “Agora Repúbliques” (con EH Bildu, Esquerra Republicana y otres fuercies nacionaliegues del Estáu) y sigue ufriendo a les y los trabayaores d’empreses en cris la posibilidá de desixir soluciones al Estáu español y de facer más visible la so llucha.

Nuria Prendes


This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies