MAF
Lleo de nueu la información que confirma qu’Asturies va baxar del millón de moraores, y que cuenten con que perdamos otros 100.000 nos prósimos 10 años, y escúrrenseme dos entrugues:
- ¿Cómo ye posible qu’esto salga gratis al Estáu español y a los partíos-sucursal n’Asturies?
- ¿Cómo ye posible que los asturianos nun seyamos quien a organizamos baxo unos principios mínimos, por básicos que seyan, pa defendemos presonalmente, como pueblu, como nación?
Lo primero pueo xustificalo pol nivel de manipulación mediático que carecemos, y pola esistencia de tantísima rede clientelar como tien entamada l’españolismu n’Asturies.
Lo segundo resúltame imposible d’atalantar ¿de verdá que lo único que sabemos decir -los asturianos y asturianes que tenemos concenxa de selo- ye “esto nun me gusta” “esta xente nun me representa” “ye que nun hai alternativa”? ¿de verdá?
¿Qué más mos tien que pasar? ¿Qué más tienen que faemos pa superar presonalismos, dogmatismos, incapacidaes, traumes, complexos… y aniciar un espaciu común, d’entendimientu, pa faer frente a les polítiques españoles p’Asturies?
“¿Au tan los asturianos? ¿Au tan las Asturias mías?”
This work is licensed under a Creative Commons Attribution 4.0 International License.
