• Portada
  • >
  • Muyer
  • >
  • Concentración n’Uviéu “Que Timar torne a la teta de la so ma cuantu anantes”

Concentración n’Uviéu “Que Timar torne a la teta de la so ma cuantu anantes”

  • 18 Mayu, 2022

Nun país nel que se permite ya incluso s’obliga a les visites paternales incluso en casos nos que tan pendientes xuicios por abusu al/la menor, nun tien xacíu que se prohiba a una ma ver al so neñu pa da-y la teta

Marina vien a Asturies dende Francia, onde vivió dellos años, procedente de Rusia. Con ella trae seies rapacinos d’ente unos meses y 15 años, a los qu’educa acordies a les sos creyencies. Dende Francia, amás de colos rapacinos, arrecostina con otra cuestión: una orde de separación dictada polos asuntos sociales franceses. Nun ye un casu de maltratu, nin de abusos, adicciones de la ma, problemes sicolóxicos o abandonu: ye un casu d’oxeción mélica. Marina nun quier vacunar a los sos fios.

Una bones n’Asturies la orde fina por cumplise y los sos fios viven agora en cases d’acoyía, los cinco mayores xuntos, el piqueñu, de 10 meses agora, separtáu dafechu de la familia.

Lo que Marina pidi dende l’entamu d’esta separación ye, a cencielles, que-y dexen dar la teta al piqueñu, en llactancia materna esclusiva cuando se-y quitó y que nun se-y permitió continuar. Lleva más de dos meses ensin poder siquier velu.

Independientemente de los motivos polos que se-yos separta, el drechu a la llactancia nun ye namás un drechu de la ma, sinón del rapacín, Timar, al que se-y priva del contautu maternu y de los permunchos beneficios que la llactancia tien na salú física y mental de les persones.

Poro, esti vienres 20 de mayu a les cincu la tardi ta convocá una concentración delantre les istalaciones del FUNDOMA, nel Cientru Maternu infantil, pa desixir a Servicios Sociales que permita a Marina da-y la teta al so guahe.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies