Sigui la fuelga indefinío n’Amazon Siero

  • 16 Mayu, 2022

A les vindiciaciones que llevaron a convocar esta fuelga súmense agora les de dar marcha atrás a los dispidos y represiones sindicales coles que la empresa reacionó ante les protestes

Delcom Operador Logistico S.A. continúa coles xornaes de fuelga y les concentraciones a les puertes del centru de trabayu d’Amazon en Meres, Siero.
Con ello denuncien el nivel de presión que vienen careciendo nes sos condiciones llaborales, l’escesu de control, xeolocalizaos en too momentu, l’estrés, les hores estres, les variables del sueldu, los tratos de favor en función de l’afiliación sindical y la falta de descansos que llevaron a convocar esta fuelga.

Señalen a Amazon como responsable directu de les condiciones llaborales denunciaes, puesto que trabayen colos sos métodos, les sos aplicaciones y les sos rutes. “La multinacional ye quien aprieta a les subcontrates y les subcontrates mos aprieten a nosotros. L’avaricia enxamás acaba y sema precariedá llaboral allá onde s’esparde, p’arriquecese a costa de los sos trabayadores”.

Sicasí, la primer reación de la empresa foi el despidu inxustificáu de tres emplegaos afiliaos a la CSI (convocantes del paru) ya imponer sanciones, nun intentu evidente por amedranar a la plantilla.

Lluéu de los primeros díes de fuelga y pesi a les maniobres de la empresa, los trabayaores quieren dexar claro que nun van desconvocar la fuelga y llamen a concentrase a les puertes del centru de trabayu d’Amazon en Meres el llunes, martes y miércoles de 10:00 a 11:00 y de 18:30 a 19:30. A les sos vindicaciones aniciales sumen la incorporación derréu de los 3 compañeros y el cese de les represalies sindicales.

Los trabayaores agradecen les amueses de sofitu y solidaridá recibies dende la convocatoria la selmana pasá de la fuelga indefinía.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies