Sofitu a Nortes ante l’aplicación de la Llei Mordaza

  • 13 Mayu, 2022

InfoAsturies considera que la sanción impuesta a direutor de Nortes y les dos persones que lu acompangaben respuende a un actu de censura mediática, col que se trata d’amedranar y castigar al mediu por denunciar la brutalidá policial

“Crónica y vídeo de una intervención policial desproporcionada”  ye l’artículu que recueye los fechos polos que son teóricamente sancionaos el direutor de NortesDiego Díaz Alonso, y dos persones más, Jara Cosculluela y Nacho Durán. Nelli nárrase’n primer persona l’atención que los tres denunciaos ya un compañeru mélicu presten a un mozu incosciente nos alrodios del Albergue Covadonga de Xixón, fechos que finaron con dos detenciones y la identificación del sanitariu.
Nel testu -y vidiu de los fechos qu’acompanga- recuéyese fielmente l’actuación desproporcionao de la policía ante l’envís d’un de los presentes de nun se separar del collaciu enfermu. Brutalidá policial, aporofobia, racismu, retayos sanitarios y en drechos sociales, Llei Mordaza y Llei de Vagos y Maleantes… too ello son detalles qu’apaecen recoyios nesta crónica pola que Diego,Jara y Nacho Durán, son multaos.

L’atestáu policial acúsalos de “garrar pelos brazos a los axentes” y “forcexear con ellos”, puntu que queda refutáu pol vidiu qu’apurren, y notifícase-yos una sanción de 601€,  n’aplicación de la Llei de Seguridá Ciudadana, más conocía comu Llei Mordaza, una llei que tantu Podemos como PSOE prometieron derogar en cuantes formaren gobiernu pero qu’agora apliquen ensin vergoña. Acúsase-yos d’una infración del so artículu 36.05, ello ye, de torgar el furrulamientu de los servicios d’emerxencia.

Díaz Alonso y les otres dos persones denunciaes nieguen les acusaciones policiales, albidrando que la sanción nun ye otra cosa qu’una represalia pol artículu, nel que se cuestiona l’actitú de los axentes. Niéguense a pagar la multa y soliciten el sobreseimientu l’espediente, presentando un recursu d’alegación nel qu’argumenten que “los fechos denunciaos na tienen que ver colos vraeramente acontecios”, apurriendo vidios comu preba.

Dende InfoAsturies coincidimos con Nortes en que se trata d’un intentu d’amedranar al mediu por informar de los escesos y abusos policiales y damos el nuesu sofitu a los compañeros de profesión. El de la censura y represión de la prensa llibre ye un camín mui andáu n’España y fechos comu esti nun pueden consentise si se quier salir del guetu informativu que costitui la prensa oficial.

Los fechos tan agora en manes d’Amnistía Internacional España y Asturies, que ya documentó’l casu y ta estudiando les midies afayaices.

Redaición InfoAsturies

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies