Tres de dos años de bloqueu’l conveniu por parte la patronal CEX y de los sindicatos UGT, CCOO y CGT, les trabayaores del Contact Center entamen esti vienres 13 de mayu una fuelga de 24 hores
Col salariu xeláu dende avientu del 2019 y una carga de trabayu xorreciente, los emplegaos tan fartucos d’esperar pol desbloquéu del conveniu coleutivu y entamen movilizacionies, la primera, esti vienres 13 de mayu.
Lloñe de presentar meyores a la so situación, la empresa pretende desaniciar drechos alquirios, comu les hores méliques, permisos y vacaciones.
La mayoría de los emplegaos son muyeres, con salarios y xornaes precaries y que trabayen en condiciones d’alta desixencia, polo que son avezaes les baxes por depresión y/o estrés; nesi sen, pente les reclamaciones de la plantilla ta la posa de 23 segundos pente llamaes. Aparte d’esa, les sos principales desixencies son que se venceye’l salariu añal al menos al IPC real, ensin cláusules trampa nin pagos aplazaos, revalorizando los salarios nun 10%, equivalente a xubía los caberos años, asina comu los pagos d’atrasos. Desixen tamién que se cumplan les sentencies llaborales y nun se de p’atrás nos drechos alquirios.
Redaición InfoAsturies
This work is licensed under a Creative Commons Attribution 4.0 International License.
