• Portada
  • >
  • Llingua
  • >
  • Oficialidá: El manifestamientu depués de la enésima traición

Oficialidá: El manifestamientu depués de la enésima traición

  • 6 Mayu, 2022

La resistencia de los asturianos ponse a preba nesti manifestamientu que nun tenía de ser, la mani depués de la cabera mani. 

Mañana, 12:00 el mediudíi, delantre la estación de trenes d’Uviéu, mani pola Oficialidá. Otra vuelta.

Esti ye’l primer manifestamientu -aparte de la concentración delantre la xunta del tres de febreru- depués del que, con aires ya de folixa trunfalista, se cellebró n’ochobre l’añu pasáu, dándose por sentao que sedría’l caberu. Nun lo yera.

Corremos el pelligru de que la reciente traición carecía polos asturianos, de la man de los que tuvieron la Oficialidá na punta los deos y la torgaron, espardiere’l desánimu y baltara’l rixu por defender los drechos llingüísticos; quienes orquestaron la pantomima de “la postrer mani pola oficialidá” sabiénlo y cuenten con ello.

Estos partios non solo nun reconocieron la oficialidá, sinon que tampocu utilizaron les ferramientes que tuvieron nes sos manes p’avanzar nareconocencia llegal de los drechos llingüísticos de los asturianos/es, de tala miente que nin desendolcaron les posibilidaes de la nefanda “Llei de Protección del bable/asturianu”, nin aprebaron dimposiciones al efeutu na llexislación asturiana, nin siquier a nivel de conceyu, cuestiones que pudieron facer ensin falta negociaciones, pero que nun ficieron, amosando con ello la so vraera falta d’enfotu.

Poro ye especialmente importante nun faltar y dar voz a una reclamación que lleva ya décades na cai y que nos caberos años pue considerase asumía dafechu pola población, -esceutuando los núcleos más antiasturianos y antidemocráticos.-

Dende Andecha Astur  afalen a los asturianos a dar una rempuesta social al fraude políticu carecíu “queda n’evidencia la falta de voluntá política d’Adrián Barbón, que nun pasó de les promeses y el posturéu, y en conxuntu de PSOE-IU-Podemos y Foro qu’escenificaron desalcuentros pa xustificar, nuna oportunidá única y difícilmente repetible, nun avanzar na reconocencia oficial de los drechos llingüísticos del pueblu asturianu”. Andecha ye l’únicu partíu que dende l’entamu lluchó pola oficialidá, dando pasos reales polos drechos de los asturfalantes, comu conseguir que se pueda votar n’asturianu.

Vémonos na mani.

Nuria Prendes

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies