• Portada
  • >
  • Sanidá
  • >
  • Pacientes ensin covid ingresaos nes plantes “sucies” del HUCA

Pacientes ensin covid ingresaos nes plantes “sucies” del HUCA

  • 25 Abril, 2022

La supresión de los contratos covid y la falta recursos lleva a amontonar pacientes con ya ensin covid en zones de peraltu riesgu de contaxu

Anantes d’entamar y pa pescanciar correchamente esta noticia ye necesario esclariar unos conceutos. “Zona sucia” fai referencia a la fastera que se sabe contaminada al 100% del coronavirus, “zona limpia” ye la fastera llibre de contaminación. Pente dambes tan estayes de “zona de penumbra” poles que s’entra y sal de lo sucio a lo llimpio o tan comunicaes, y nun se sabe si tan llibres del vírus o non polo qu’hai qu’actuar como si tuvieren contaminaes por prevención.
Na zona sucia los sanitarios visten l’EPI, el traxe de prevención de contaxos que tantu vimos na tele y que si, sigue siendo necesariu; la llexislación diz que nun se pue tar más de 4 hores nuna “zona sucio” col mesmu EPI porque pierde efeutividá y multiplíquense les posibilidaes de contaxu. Na zona de penumbra camúdase de ropa, tando estrictamente prohibió pasar a la zona llimpia cola ropa espuesta a la zona sucia.

Esta selmana la planta covid (+) del HUCA acoyó a 13 pacientes con patoloxies estremaes ya ensin covid, siete habitaciones de les que se treslladaron a los pacientes covid pa meter nelles a pacientes quirúrxicos o ingresos d’urxencies de pacientes ensin covid.

La desinfeición d’estes habitaciones fíxose por ausiliares d’enfermería y llimpiadores que nun camudaren d’EPI nes cuasi 7 hores que duró’l procesu, lo que ya de por si compromete seriamente la “desinfeición”. Pero ye que el simple fechu de compartir pasiellu con decenes d’enfermos covid fae cuasi seguru’l contaxu.

Más entá si estos pacientes “llimpios” son atendios pol mesmu personal que los qu’atienden a los enfermos covid, comu s’intentó nun entamu cola esculpía de que los contratos covid tan suprimíos y falta personal.

Agora mesmo y gracies a la intervención de los propios sanitarios que lo desixeron hai una enfermera estra p’atender estos 13 pacientes; una persona que comparte pasiellos y zones comunes con les habitaciones de los infectaos. El resultáu ye previsible: 13 casos más de covid en persones con patoloxíes previes.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies