El Burguer King de la Cai San Bernardo continúa apinando sentencies favoratibles a los trabayaores
El calendariu llaboral de la empresa Gigia Nalón SL nun cumple cola llegalidá vixente. Asina lo dexa afitao la sentencia qu’obliga a la empresa que xestiona’l Burguer King de la Cai San Bernardo, en Xixón, a camudar la organización de los díes de descansu, llaborales y festivos, adautándolos al -ya de por si ruinu- conveniu d’hostelería.
Gigia Nalon ye una sucursal del Grupu Nalon, propietariu de cinco centros en Xixón y ya apina delles sentencies xudiciales por vulneración de los drechos fundamentales de los sos emplegaos, incluyendo despidos improcedentes y represalies venceyaes, precisamente, a la participación de trabayaores na brenga por un calandariu llaboral curiosu, que lleva más de dos años en pie.
Redaición InfoAsturies
This work is licensed under a Creative Commons Attribution 4.0 International License.
