Fuelga de Xixilantes n’edificios públicos

  • 12 Abril, 2022

El paru, qu’entama mañana y tendra calter indefiníu, ta convocáu polos impagos de la empresa axudicataria

El sistema d’axudicaciones a empreses privaes pa la realización de llabores públiques ye fonte continua de conflictos llaborales, impagos ya incumplimientos contractuales, xenerando situaciones que deriven en merma de la calidá asistencial y siendo tanto los emplegaos comu los usuarios de los servicios públicos los que paguen les consecuencies.

Nesti casu trátase de la empresa contratá pol “Principado” pa prestar serviciu de xixilancia en dellos llugares públicos, Mersant Vigilancia S. L., que los sos venti trabayaores n’Asturies entamen mañana una fuelga indefinío, afeutando a dellos edificios públicos, comu l’Hospital Valle del Nalón, la Ciudá Residencial de Perlora, el Credine de Llangréu, la Casa Malva de Xixón y dellos edificios alministrativos del Sespa.

La empresa lleva tiempu ensin pagar a los sos emplegaos ya ensin cubrir les baxes méliques, viéndose poques posibilidaes de que paguen, una bones Mersant tien una delda de más d’un millón d’euros con Facienda. Por agora la única midía puesta en marcha pol “Principado” pa solucionar la situación ye rescindir el contratu de l’axudicataria por incumplimientos del contratu, ensin que s’alcuentre otra empresa que quiera ocupar el puestu, una bones tendría de facese cargu de les nómines atrasaes.

Güei a les once de la mañá los trabayaores concentraránse frente a la sede de Presidencia, y seguirán faciéndolo tolos xueves fasta que se solucione’l conflictu.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies